“متركبوش أوبر ثاني” كنسل الرحلة و حسب الفلوس عليا: فتاة تحذر من شركة أوبر (فيديو)

حذرت فتاة من التعامل مع شركة أوبر بسبب تطاول عدد من سائقيها.. خاصة بعد تعرضها لموقف شخصى من أحد العاملين بالشركة.

وقالت صاحبة الواقعة،” الاستاذ رفض يشغل التكييف وقالي مفيش حر ومش هاشغله فاخدت الولاد ونزلت ومنع اني اكنسل الرحلة وفضل واقف ادام العمارة وقعد فرحان اني بصوره لما فضل مصر يخلي الرحلة معلقة وف الاخر كمان راح حسب فلوس الرحلة عليا.. ليه مصرين التعامل مع ناس بتهدد امننا وبلطجية فعلا

وكان مواطن اخر وثق تجربته مع سائق أوبر سابه فى الطريق عشان رفض يتحاسب بالفيزا  وأن الدفع الكاش فقط مقابل بدء الرحلة.

وقال صاحب المشكلة : الاستاذ الفاضل المحترم طلبت اوبر وفضلت منتظره ربع ساعه فالحر والشمس ولما جه جيت اركب قالى هتدفع كرديت.؟  لاء اسف متركبش ومشى وسابنى

 وكانت عروسة قبل كده اتعرضت  للسرقة  من سائق في شركة أوبر،بعد ما سرق شنطة شهر العسل ،

وقالت خبيرة التجميل الخاصة بالعروسة بعد نشر الواقعة ، ” هو بوست غريب شوية بس بجد محتاجين مساعدتكم في اقصي سرعة ..العروسة اللي عندي انهارده ..كانت صاحبتها بتجبلها شنطة الهاني مون و جايلها الاوتيل مع سواق اوبر الغير محترم ده وهي حاطة   stop 2 نزلت تجيب الحاجة في ال stop الاولي.. اخد الشنطة و جري والشنطة فيها كل حاجة العروسة في الهاني مون و بعديه كمان  عشان هي مسافرة بره مصر بعد الفرح

في الفترة الأخيرة زادت شكاوي مستخدمين تطبيق أوبر بسبب سوء معاملة السائقين وكمانً بسبب أسعار رحلاتهم المرتفعة مقارنةً بالتطبيقات الأخرى