وجه يوسف نجل الفنان الراحل أشرف مصيلحي، عن شوقه الكبير لوالده، حيث وجه له رسالة مؤثرة عبر حسابه على “انستجرام”، مشيرًا إلى رأى حب الناس الكبير له بعد وفاته وسيظل فخور به وبحمل اسم طوال العمر، وأكد أن علاقتهما كانت أقرب لعلاقة الصحاب وليس أب وابنه.
نشر يوسف أشرف مصيلحي بعض الصور التي تجمعه بوالده، وعلق: “الله يرحمك يا أطيب وأحن وأجدع أب في الدنيا، كان نفسي تكون موجود وتشوف حب الناس وروحك اللي موجودة في كل حد فينا، وتشوف الناس بتقول عليك ايه من أصغر واحد لأكبر واحد”.
وتابع يوسف : “أنا مش فاكر أنك عملت حاجة ضايقتني ولو لمرة أو شدينا مع بعض حتى زي أي أب وابنه وده عشان إحنا كنا صحاب أكتر وكنت بتفهمني وعارف دماغي، عارف أنك مرتاح دلوقتي أكتر بكتير ومبسوط وأنت شايفنا متجمعين وحاسس بكل المحبة اللي كانت موجودة اليومين دول وهيفضلوا موجودين على طول”
وأضاف: “دلوقتي أنا هعرف اتكلم معاك وعارف أنك سامعني يمكن أكتر من آخر فترة كنت موجود فيها وسطنا عشان كنت تعبان ومش بعرف اتكلم معاك، عايزك تعرف إني بحبك قوي وهفضل شايل اسمك وأنا فخور إنك أبويا لحد لما نتقابل إن شاء الله، بجد بحبك أوي يا بابا وعارف أنك أكيد في الجنة بإذن الله”.
وكان قد رحل عنعالمنا الفنان أشرف مصيلحي الأحد الماضي، بعد صراع مع السرطان لمدة 3 سنوات، ونتيجة حدوث مضاعفات أدت إلى تدهور حالته الصحية، ليرحل تاركًا خلفه حزنًا كبيرًا في قلوب كل محبيه.
شاهد أيضا : فضل 3 سنين على أجهزة التنفس الصناعي .. #أشرف_مصيلحي فنان رحل بوداع أسطوري
Discussion about this post