“عملتلهم انقسام جوا إسرائيل”.. بسمة وهبة ترد على انتقادات رسالتها بالعبرية

تصدرت الإعلامية بسمة وهبة، التريند خلال الأيام الماضية، وذلك بعد حديثها بالعبرية خلال حلقة برنامجها «90 دقيقة» على قناة «المحور» قبل أيام.

وقالت بسمة وهبة، خلال لقائها في برنامج «et بالعربي»: «الأطفال اللي بتشوفهم بيصرخوا ويعيطوا ويتضربوا بالرصاص، دا من الأسلحة المُحرمة دوليًا، أنا عملت انقسام في إسرائيل، أصبح فيه ناس مع نتنياهو وناس ضده».

بسمة وهبة ترد على انتقادات رسالتها بالعبرية

وتابعت: «أنا مش فارق معايا الناس اللي سابت فلسطين واللي بيموتوا واللي بينتقدوا اللغة بتاعتي، دا يدل على نفسيتهم عاملة إزاي، أنا اتكلمت بلغة عبرية ركيكة وأعترف، ولكن المهم إن صوتي وصل، وعايزة أقول للإعلامي الإسرائيلي اللي كلمني باللغة العربية يا عدوي أنت لست عزيزي كما وصفتني بعزيزتك».

واستكملت: «فلسطين عمرها ما هتسيب أرضها، وانسى المؤامرة الممنهجة اللي عاملينها، عشان الفلسطينين يدخلوا سيناء، ولا الفلسطينين هايسيبوا أرضهم، ولا المصرين هايسيبوا أرضهم».

بسمة وهبة: خليتهم يسمعوا صوتي

وأضافت بسمة وهبة عن الإعلامي الإسرائيلي الذي تواصل معها: «اللي عمل الفيديو قالي أنا متشكر جدًا إنك خليتي 4 مليون واحد يشوفوا الفيديو بتاعي، وعايزة أقوله أنا اللي متشكرة إنكم عرفتوا العالم كله بالحقيقة وخليتهم يسمعوا صوتي».

وكشفت : «بجهز رسالة جديدة لكن المرة دي بلغة عبرية مُتقنة، عملت الفيديو عشان عندي نية معينة مش عشان التريند، أنا مش بعد النجاح دا كله هادور على تريند!».