حقيقة انفصال محمد فراج و بسنت شوقي..(فيديو)

محمد فراج وبسنت شوقي اتنين اتصدروا المشهد السينمائي والفني بشكل عام على اعتبار أنهم الكابلز الجديد اللي عايش قصة حب اسطورية وفي نفس الوقت شغالين في نفس المجال بس الحكاية شكلها هتقلب بغم ومشاهد الحب اللي قدمها لينا
الاتنين في جوازهم اللي استمر سنة كاملة اتحولت لنكد وخناقات والموضوع وصل للكلام عن طلاقهم

محمد فراج اللي بيحتفل بنجاح فيلمه الجديد «ڤوي ڤوي ڤوي»، المطروح بدور السينما الأيام الأخيرة حل ضيف على برنامج «أسرار النجوم» مع إنجي علي واتكلم عن حياته الشخصيةوعلاقته بمراته الفنانة

“اللي بيتكلم يتكلم والقافلة تسير في النهاية”.. محمد فراج يرد على شائعات انفصاله عن بسنت شوقي

بسنت شوقي وقال: «أنا زوج مشاكس بيحاول يكون مثالي، وفي النهاية الشائعات مش بتسيب حد ناجح وعايش حياة كويسة وعلاقتي بمراتي زي الفل والكلام عن طلاقنا ملهوش أي أساس من الصحة والسوشيال ميديا عندنا 90% بتركز على حاجات
مش حقيقية ومينفعش نتكلم فيها بس النماذج الناجحة الناس بتسيبها ومش بتجيب سيرتها علشان كده
مش هسيب شغلي وأسرتي اللي بحاول أبنيها وأمسك كل واحد أقوله بتكتب كده ليه اللي بيتكلم يتكلم
والقافلة تسير في النهاية

الفنان اللي اتعرض لموقف محرج من مراته في العرض الخاص بفيلمه الجديد لما أجبرته يشكر في شغلها وفي المشهد اللي ظهروا فيه سوا في الفيلم أتكلم كمان عن الانتقادات الكبيرة اللي اتعرضت ليها
أخت مراته داليا شوقي بعد ظهورها في مسلسل سفاح الجيزة وقال: «مفيش حد من اللي اتكلم
بيفهم في الشغلانة كلها أكونتات وهمية وفيك وتحس انهم واخدين فلوس.. الناس دي هتتكلم ليوم الدين والمهم ان القافلة تسير برضوه

فراج أتكلم عن الشخصية اللي نفسه يقدمها للجمهور في عمل فني وقال:
«بحب الشخصيات التاريخية ونفسي أقدم عمل عن حياة الدكتور علي مصطفى مشرفة
العالم المصري اللي اتوفى في ظروف غامضة وعاوز اعرض اللي حصله وإبداعاته في العلم الخاص بيه

منال الفطاطري والدة الفنانة بسنت شوقي دخلت على خط التريند هي كمان ودا بعد ما لقيت بنتها بسنت وداليا وكمان جوز بنتها بيتكلموا واسمهم متصدر التريندات فقالت هي جات عليا وطلعت وفضلت تقول شعر
في الفنان محمد فراج وقالت: هو ابن بار جدًا أنا معنديش أولاد عندي 3 بنات بس وكان نفسي ربنا يديني ولد ويبقا ليا راجل في حياتي بس ربنا أكرمني بأزواج بناتي دول ولادي ورجالتي ربنا يبارك فيهم.

محمد فراج لقي نفسه متصدر التريندات بعد طرح فيلمه الجديد وكمان بسبب الكلام عن طلاقه من مراته
بسنت شوقي وغير كل دا الهجوم الكبير على أخت مراته داليا شوقي بعد ظهورها في مسلسل سفاح الجيزة
وتلاقيه بيقول في نفسه أنا كان مالي ومال الليلة دي كلها