حقيقة اعتزال عبلة كامل.. أسطورة الفن والشائعات (فيديو)

زي الشهر ده  و تحديدا في 17 سبتمبر  اتولدت الفنانة المتألقة و أيكونة الكوميديا في مصر  الفنانة عبلة كامل

النجمة المختفية من 2018 ورافضة ترجع للمشهد أو تظهر في أي مناسبة والشائعات بقت ملازماها في  كل حتة  اتولدت في ر سنة 1960 في قرية نكلا العنب بمركز إيتاي البارود بمحافظة البحيرة

اتخرجت عبلة كامل  من كلية الآداب قسم مكتبات سنة 1984 وبدأت مشوارها الفني من مسرح الطليعة
وفضلت تشارك في عروض مسرحية بأدوار صغيرة لحد ما قدرت تقف قدام الفنان القدير محمد صبحي في مسرحية وجهة نظر

الفنانة اللي كان ليها تجربتين مع الجواز أولهم من الفنان أحمد كامل والتانية من النجم محمود الجندي
كان عفريت سر اكتشافها بالصدفة ودا لما طلع
الفنان محمد أبو داود وقال أنه اكتشف عبلة كامل لما شافها بتمثل في مسرحية عفريت لكل مواطن
على مسرح الغرفة والمصادفة الغريبة أن الدور دا كان بتاع الفنانة نادية فهمي بس بسبب انشغالها في اليوم دا قدمته عبلة كامل بدالها ودي كانت انطلاقتها الحقيقة

الفنانة قدرت بعد فترة أنها تتنقل من المسرح للتلفزيون وتلفت نظر المخرجين علشان تشارك في أعمال تاريخية
زي: ليالي الحلمية لن أعيش في جلباب أبي الشهد والدموع هوانم جاردن سيتي وسلسال الدم وأفراح إبليس.

وعلى مدار مشوار عبلة كامل سواء في السينما أو التلفزيون أو المسرح كمان كانت الشائعات
الرفيق الدايم اللي مش بيفارقها ولقينا كلام كتير واخبار بتتنشر في أكتر من مرة عن إصابتها بمرض السرطان
والجمهور بيدعيلها بالشفاء خصوصا أنها محبوبة من الكل قبل ما يطلع جوزها السابق الفنان أحمد كمال ويُطمن الناس ويأكد أن الأخبار دي كلها شائعات ملهاش أي أساس من الصحة

العفريت سبب نجوميتها وسر ابتعادها عن التمثيل..عبلة كامل أسطورة الفن

عبلة كامل اتعرف عنها أنها بتكره السوشيال ميديا والموبايل وعايشة حياة بسيطة وكانت متعلقة بصديقتها اللي اتوفت ومن وقتها دخلت في حالة حزن شديدة وغابت عن الساحة الفنية وبالتحديد من سنة 2018 لما قدمت الجزء الأخير في مسلسل سلسال الدم واللي حقق نجاح كبير ومن الوقت دا وشائعات اعتزالها الفن ملهاش أخر
قبل ما يطلع الفنان أحمد كمال للمرة التانية ويعلن أنها معتزلتش ولا حاجة وقررت تبعد شويه عن الوسط

كمان الفنان أشرف ذكي نقيب الممثلين طلع واتكلم في قصة اعتزال عبلة كامل الفن وقال: الفنانة أخدت قرار إنها تبتعد واتواصلت معها وقت مهرجان الدراما أنا والدكتور يحيى الفخراني وهي رفضت تحضر ولو تعبانة أكيد كانت قالتلي وقولتلها ترجع عشان خاطري قالتلي مش حابة دلوقتي أخر الشائعات اللي ربطت عبلة كامل بالسوشيال ميديا كان حساب مزيف منسوب ليها على إنستجرام وجه رسالة للنجم محمد صلاح لاعب المنتخب الوطني وفريق ليفربول الإنجليزي وطالبته بالاستمرار في الدوري الإنجليزي ومينتقلش لفريق اتحاد جدة السعودي ويرفض عرض المليار

عبلة كامل أيقونة فنية ليها تاريخ طويل قررت تبعد عن الوسط الفني بس معتزلتش الفن ولا اتصابت بسرطان الثدي زي ما الأخبار قالت فربنا يديها الصحة ونشوفها قريب على الشاشة