حالة من الصدمة والحزن.. إليكم تفاصيل وفاة ماثيو بيري نجم مسلسل فريندز “فيديو”

ماثيو بيري الممثل المحبوب اللي لعب دور تشاندلر بينج
في مسلسل الأصدقاء “فرندز” بيفاجئ العالم كله وبيرحل عن الدنيا
عن عمر 54 عامً في صدمة لعشاقه في كل حتة بالكوكب
لدرجة أنه اتصدر التريندات في مصر والناس بتترحم عليه
وبتقول الراجل دا ياما ضحكنا ودخل الابتسامة
على وشوشنا

وفاة ماثيو بيري نجم مسلسل فريندز “فيديو”

ماثيو بيري قرر أنه يفارق الدنيا بطريقة مفزعة ودا بعد ما عثروا عليه غرقان في بيته في حمام سخن بمدينة لوس انجلوس الأمريكية
بحسب ما نقلت صحيفة لوس انجلوس تايمز عن مصادر أمنية

المصادر قالت أن مفيش أي اشتباه في جريمة وأنه فارق الدنيا بفعل فاعل والحكاية راجعة في الأساس للمخدرات اللي أدمنها ومبقاش عارف يتخلص منها السنين الأخيرة

بيري اللي اشتهر واتعرف بدوره في مسلسل “فريندز” الكوميدي التلفزيوني الأمريكي الشهير في التسعينيات واللي لحد يومنا دا بيصنف كأفضل مسلسل كوميدي جه في التاريخ
اتسبب في صدمه لمحبيه وعشاقه لما رحل من غير أي سابق إنذار
ماثيو بيرى كان واحد من أعمدة المسلسل اللي قدم علاقة صداقة
بتنشأ بين 6 شخصيات من الشباب الأمريكي وبتطور لعلاقة رومانسية زي ما حصل مع ماثيو بيرى أو الشخصية اللي بيقدمها «تشاندلر بينج» وصديقته «مونيكا» اللي جسدت دورها «كورتنى كوكس»
بس الحكاية اتطورت والتمثيل اتحول لحقيقة وطلع ماثيو في وقت سابق واعترف بحبه وانجذابه لزميلته الممثلة جنيفر أنيستون
اللي جسدت شخصية «ريتشيل» زي ما جه فى مذكرات ماثيو بيرى اللي حملت اسم «Friends Lovers and the Big Terrible Thing»
واللي كشف خلالها عن مشواره وعلاقاته العاطفية وكمان وقوعه في إدمان المخدرات في بداية سنوات نجاحه الأولى وازاي أصدقائه ساعدوه يتجاوز المرحلة دي ويخف من الإدمان

الممثل الكوميدى الراحل اتعرف كمان بعيد عن موهبته بروحه المرحة الفرفوشة فى كواليس التصوير وبعيد عن الكاميرات وكان دايما بيهزر وبيحاول يخلي التصوير فيه ضحك ومرح

ماثيو بيري بيرحل في ظروف غامضة بس الكلام والخوف
أنه يكون مات بجرعة مخدرات زيادة وكانت سبب في وقوعه في الحمام وغرقه ورحيله عن الدنيا خصوصا أن ماثيو نفسه كشف في حديث سابق مع «نيويورك تايمز» أنه نجا من الموت بمعجزة
وقضى أسابيع فى المحاربة مع الإدمان اللي اتسببله في إنفجار القولون نتيحة الإفراط فى تناول الأفيون لدرجة أنه دخل في غيبوبة
لمدة أسبوعين وفضل 5 شهور في العناية المركزة بالمستشفى
والدكاترة بلغوا عيلته أن فرص نجاته من الموت هي 2%

ماثيو بيري بيرحل عن الدنيابعد مشوار طويل من النجاحات على مستوى الكوميديا وفشل عاطفي وكمان في حياته بعد ما رفضت أنيستون ترتبط بيه وقررت ترتبط بالنجم براد بيت وكمان دخوله مرحلة الإدمان علشان يفارقنا من حمام جاكوزي