تحذيرات مرعبة من انهيار سد النهضة

تحذيرات مرعبة ظهرت مؤخرا بعد كارثة زلزال المغرب وفيضان ليبيا والكوارث الطبيعية اللي بقت بتحصل كل يوم

مع أزمة التغيرات المناخية.. بس الكوارث دي كلها كوم وحكاية سد النهضة اللي الحاج أبو أحمد بيبنيه على النيل الأزرق كوم تاني خالص

الدكتور عباس شراقي  أستاذ الجيولوجيا  والموارد المائية بجامعة القاهرة..  اتكلم على خطر انهيار السد الإثيوبي.. خصوصا أن الموضوع بقى عامل رعب للمصريين والسودانيين الأيام الأخيرة

 شراقي قال أن مصر والسودان  دخلوا مرحلة الخطر الكارثي  بعد انتهاء التخزين الرابع.. وحجز حوالي 41 مليار متر مكعب  في بحيرة السد.. وقال كمان إن السد  بيعتبر من أشد السدود  خطورة على حياة الإنسان ..  وضرب مثال باللي حصل في ليبيا  لما انهار سدين في درنة  بيخزنوا 28 مليون متر مكعب من الميه..  ودا كان سبب في وفاة 11 ألف شخص..  ما بالك بسد بيخزن 74 مليار.. متر مكعب

الخبير الجيولوجي كمل كلامه الخطير وقال أن سد النهضة  بيقع في منطقة الأخدود الأفريقى..  المعروفة بالنشاط الزلزالي..  وقال نصا..”  لو السد انهار..  هنشوف طوفان مشافتوش البشرية..  من وقت سيدنا نوح عليه السلام..

وهيكون سبب في وفاة  من 20 ل 30 مليون شخص في السودان..

السد اللي بنته إثيوبيا على النيل الأزرق..  وكان تصميمه الأمريكي  الأساسي أنه يستوعب  11  مليار متر مكعب من الميه..  قبل ما الكمية دي تزيد لـ 74 مليار متر مكعب..  لأسباب سياسية بالدرجة الأولى..  واستهداف لحياة المصريين..  وكمان محاولة للتأثير على القرار المصري..  بقى في خطر حقيقي

أستاذ الاستشعار عن بعد  وعلوم نظم الأرض بجامعة تشامبان الأمريكية  هشام العسكري كشف عن كارثة حقيقية ومرعبة..  ممكن متخليش فيه حاجة اسمها سودان من الأساس..  وحذر من سيناريو شبيه باللي حصل في مدينة درنة الليبية..

العسكري قال  إن إثيوبيا ناوية تخزن 74 مليار متر مكعب  في بحيرة سد النهضة..  ودا رقم خطير وضخم  ممكن يقضي على حياة  150 مليون مواطن  في مصر والسودان وإثيوبيا..