تجربة محمد صلاح تدرس في جامعة هارفارد (فيديو)

لأكثر من  سنة كان موضوع تجديد عقد محمد صلاح مع نادي ليفربول أكثر حدث شاغل وسائل العلام و السوشيال ميديا في بريطانيا و العالم العربي واليوم أصبح العقد ده يدرس في الجامعة.. ومش أي جامعة..دي جامعة هارفارد

محمد صلاح نشر على صفحته مقال نشره قسم إدارة أعمال في جامعة هارفارد

المقال بيتكلم بوجه خاص عن دور وكيل أعمال محمد صلاح  رامي عباس و الي كان متولي المفاوضات مع النادي واللي نجح فيها  بامتياز واللي له دور كبير وشريك أساسي في نجاح الدولي المصري محمد صلاح
الدراسة اللي عملتها جامعة هارفارد قام بها فريق من الجامعة والمفاجأة ان صاحب فكرة الدراسة  شاب مصري اسمه طاهر المعتصم بالله اللي كشف عن الأسباب اللي دفعته يفكر في الدراسة و كواليس التحضير ليها

طاهر قال ان الدراسة هتتنشر و هيتم تدريسها بداية من 2 أكتوبر اللي جاي بشكل رسمي ضمن المناهج اللي  بتدرس في الجامعة وإن فيه جامعات عالمية ثانية هتدخل في مناجها دراسة عقد محمد صلاح مع نادي ليفربول   و ده اللي هيضمن ان قصة محمد صلاح تدرس في جامعات العالم كله لسنوات طويلة  عشان الأجيال اللي جاية تشوف و لأول مرة  بطل القصة و ممثلها شاب عربي مصري