الرئيس السيسي للمصريين: “الظروف صعبة صحيح.. وأنا منكم وحاسس بيكم

أكد الرئيس عبد الفتاح السيسي، أنه يقدر ظروف المواطنين وقال: “لا شك أن الظروف صعبة صحيح، بس خلوا بالكم يعني بقالنا 4 سنين في ظروف صعبة جدا، سنتين منهم الدنيا كلها والعالم كله علشان موضوع كورونا واللى حصل، وسلاسل الإمداد تأثرت تأثرا كبيرا والعالم والاقتصاد كله توقف لكن إحنا متوقفناش علشان إحنا ورانا حلم كبير قوي شغالين فيه، وكنا نامل إن الأمور أحسن لكن جت أزمة تانية كبيرة وكان ليها تاثير كبير وحاولنا بظروفنا الاقتصادية الصعبة اللى بقول فيها لكم افتكروا كويس لما عملنا خطة الإصلاح الاقتصادي قلنا إذا نجحنا فيها ننطلق لآفاق أفضل كان معدل النمو متقدم وصلت إلى 5.8 % وكنا نأمل أكتر من كده”.

أضاف الرئيس السيسي، خلال افتتاح عدد من المشروعات بمحافظة بني سويف: “أزمة ما زالت مستمرة حتى الآن “حرب أوكرانيا”.. إحنا بنتكلم في كل سنة مش عاوز أقول أرقام لكن ممكن أقول رقم ممكن ننتبه إن إحنا بنستورد كميات كبيرة من القمح والذرة وزيت الطعام وارتفاع اسعارهم كان ليهم تاثير كبير حاولنا كدولة ان الأسعار متنعكس بقوة على الناس وتمثل الثمن الحقيقى بتاعها”.

وتابع الرئيس : “بتكلم عن 10 مليون طن قمح لو الطن الواحد زاد 100 دولار احنا بنتكلم في ارقام كبيرة علشان نوفر عيش الخبز،.. بقول الكلام ده ليكم لما بقول ان انا منكم وحاسس بيكم”.. “متنسوس ان أنا إنسان مصري بسيط عشت عمرى كله زيكم كده وربنا أراد أكون في المكان ده هو ربنا اللى أراد وبالتالي أن مش بعيد عنكم.

أكد الرئيس عبد الفتاح السيسي، أنه يقدر ظروف المواطنين، متابعا: “عاوز أقولكم أنا مش بعيد خالص عن الحال بتاع الناس.. مش بقول الكلام ليكم بس.. وبالمناسبة وأرجع أقول لما بقول إني حاسس ومنتبه.. طب انتوا فاكرين ان لو فيه فرصة أكثر من كده.. والله لو فرصة مش هنتأخر.. محدش بيجب حاجة من جيبه.. أيوه والله”