إلهام شاهين: اللي انتقدوا “ألفريدو” قبل عرضه خدوا مقلب كبير ومعنديش مشكلة أحب شخص أصغر مني

ردت الفنانة إلهام شاهين على منتقدي حكاية “ألفريدو” من مسلسل “55 مشكلة حب” قبل عرضه من خلال ظهورها مع النجم أحمد فهمى على بوستر العمل.

وقالت إلهام شاهين خلال مداخلة هاتفية عبر برنامج “تفاصيل” للإعلامية نهال طايل المذاع عبر فضائية “صدى البلد 2”: “اللي انتقدوا أخذوا مقلب كبير في حياتهم، وما يقال مجرد كلام فارغ وعلى أي أساس تم انتقاد العمل قبل ظهوره والناس قالت دي عاملة قصة حب وست كبيرة وبتحب واد صغير.. بس لو أفترضنا أنهما أكتشفوا أني ست كبيرة وبتحب واحد أصغر منها في السن فين المشكلة في كده!؟.. كل اللي قالوه كلام فارغ
وتابعت إلهام شاهين، حديثها قائلة :”حتى لو كانت شخصية شريرة أو مرفوضة في المجتمع ده أمر عادي أنها تتعرض في الشاشة ودي حاجه مش ضد قانون ولا ضد شرع أو شي غريب.. في تسرع في الموضوع الشخص عاوز يهاجم وخلاص مش فارق معاه الموضوع.. حتى اللي كانوا بيهاجموا أعتذروا والكل أنبسط بدوري والعمل كل الناس أجتمعت عليه”.