أحمد حلمي: زمان كنت بهرب من خروجات بسبب أن المنيو بالإنجليزي أو مش معايا فلوس

تحدث الفنان أحمد حلمي عن فترة مراهقته وبداية شبابه وقال أنه كثيرا ما تهرب من الخروج مع أصدقائه بسبب عدم توافر المال معه.

قال حلمي خلال حواره مع الإعلامي أنس بوخش في برنامج AB talks” أنه كان يخجل من الحديث عن الأزمات المالية التي تعرض لها في بداية حياته”

وتابع قائلا ” كان زمان كنت بحس أن ناقصني حاجة وكنت بهرب من خروجات بسبب أن مش معايا فلوس أو أن المنيو بالإنجليزي وانا مش هعرف اقراه وصحابي راحوا المكان كتير وكنت بقرا حاجات أنا معرفهاش ومش عارف اقولها اصلا فمكنتش بروح”

وأضاف “بحمد ربنا أن عمر ما دة بقى حقد عندي لكن كنت بحس أن أنا اللي عندي حاجة ناقصة لغاية لما بدأت اتعرف من وقت برنامج مع الأطفال ومكنتش بظهر بوشي لكن دة اداني ثقة في نفسي وأن في حاجة بعرف اعملها ومميز فيها وانا كنت هخرج البرنامج لكن سناء منصور رئيسة القطاع قلتلها أنا عايز اخرج البرنامج مين هيقدمه قالتلي محدش هيعرف يعمل البرنامج دة غيرك”